LEGAZPI CITY-Inaprubahan kan Land Transportation Franchising and Regulatory Board (LTFRB) an special permits para sa 20 bus ngani maibitaran an magabat na trapiko sa parte kan Light Rail Transit Line 2 o (LRT2).
Segun sa ahensya na an 10 bus, iyo an biyaheng Antipolo-Legarda asin maagi sa Marcos Highway, E. Rodriguez asin Espana Boulevard.
Mantang an 10 iba pa an babiyahe poon sa Antipolo hasta sa Cubao asin maagi sa Marcos Highway asin P.Tuazon.
Sinabi ni LTFRB acting chairman Atty. Greg Pua Jr., na an special permits, an ipinaluwas ngani mas kadakol na pampublikong transportasyon an pagpipilian kan publiko huli sa mas kadakol na pasahero an nag gagamit kan LRT2.
Marurumdumang kan nakaaging aldaw, nagsagibo an Department of Transportation (DOTr) nin trial run sa 20 bus ngani mabawasan an numero kan pasahero sa kahalabaan kan LRT2.
