Nasa 21 sa 24 na mga testigo na mawot ihampang kan kampo ni Vice President Sara Duterte sa impeachment trial an napagserbihan na nin subpoena bilang paghahanda sa pagpapadagos kan mga pagdangog sa Nobyembre 9 hanggang 13.
Kinumpirmar ini ni Senate Secretary asin Impeachment Clerk of Court Renato Bantug Jr., asin sinabing an natatadang tulong subpoena an ipapasunad man sa Lunes, Nobyembre 9.
Pinaglalaoman na mapuon sa nasabing aldaw an presentasyon kan depensa, kun sain mahampang an mga testigo para sa direktang paghahapot kan kampo ni Duterte, cross-examination kan prosecution, asin paghahapot kan mga senator-judge.
Marurumduman na 24 na mga testigo an natatada sa listahan kan depensa makalihis umatras si Dean Ralph Sarmiento, na enot na man na kaibanan sa mga mawot nindang ipaapod.
An pagseserbi kan subpoena an parte kan preparasyon sa pagdangog ngani na masierto an paghampang kan mga testigo na kinakaipuhan na mag-atendir sa impeachment court.
