Laog na sa quarterfinals kan Hong Kong WTA250 si Pinay tennis star Alex Eala makalihis na daugon si Tereza Valentova kan Czech Republic.
Dai tinogotan ni Eala an 19-anyos na Czech player na magkaigwa nin dugang pang bentaha asin nakuha an 6-4, 7-6 (9-7) na kapangganahan.
An kapangganahan na ini nagserbing pagbalik para ki Eala, na dati nang nadaog kan Czech player nin duwang beses sa Osaka kan 2025 asin giraray sa Doha Open kan nakaaging bulan.
Pighihiling ni Eala an saiyang nakaaging pagkadaog ki Valentova bilang sarong inspirasyon, na nakatabang saiya na makua an kapangganahan ngonian na Biyernes.
Inadmitir niya na dai nagin madali saiya an kapangganahan orog na ta an laban haros nag-abot sa ikatolong set.
Nagpahayag si Eala kan saiyang pasasalamat sa Filipino community sa saindang suporta, na nagin importanteng papel sa saiya na ipanggana an laban.
Sunod na hahampangon kan Pinay tennis star an world number 81 na si Antonia Ruzic kan Croatia.
