LEGAZPI CITY-Ipighayag kan Port Management Office Bicol na medyo matumal ngonian na taon an mga biyaheros sa mga pantalan sa Bicol Region huli suboot sa paglangkaw kan pamasahe asin presyo kan produktong petrolyo.
Segun kay Port Management Office Bicol Media Relations Officer Achilles Galindes, sa intrevista kan Bombo Radyo Legazpi na mantang padagos an biyahe sa mga mayor na pantalan sa Bicol Region, arog sa Matnog, Pioduran, asin Tabaco, bako masyadong dakul an expected volume kan mga biyaheros ngonian kumparar kan nakaaging mga taon.
Sinabi niya na pighihiling na pangenot na rason kaini an halangkaw na presyo kan produktong petrolyo na nakakaapektar sa pamasahe.
Haros 1.5%% sa 40,000 kan mga nagba-biyaheng pasahero sa Bicol Region an pinagkakarkulo ngonian na taon para Undas.
Kan nakaaging taon, mas dagsa suboot an mga pasahero tulong aldaw pa sana antes an Undas, alagad ngonian nasa normal level sana ini.
Padagos an saindang monitoring sa mga maghahabol pa nin biyahe ngonian na aldaw.
Naka-hightened alert man an saindang ofisina katuwang an koordinasyon kan mga manlaen-laen na ahensya para sa pagmando kan mga pasahero sa mga pantalan.
