Tinambakan kan Washington Wizards an Charlotte Hornets sa saindang low-scoring match ngunyan na aldaw.
Pinangenotan kan bigman na si Anthony Davis an pagkagana kan Washington asin kuminamada siya nin 25 points asin 13 rebounds, mantang si Trae Young an nakapagrehistro man nin 21 points asin siyam na assists.
Alagad naging gitgitan man liwat an laban sa pagultangan kan duwang team sa first half kan laban, tulos na uminarangkada an Wizards sa 3rd quarter asin nagbuhos nin 28 points kontra sa 13 points kan Hornets.
Huli digdi, kapot kan Washington an 19-point lead sa pagtatapos kan nasabing quarter kaya dae marhay pinagkawat an mga star players sa huring quarter.
Bahagya man na nakahabol an Hornets sa 4th quarter alagad dagos man liwat na nagtrapos an laban sa 95-79, pabor sa Washington.
Sa ibong kan pagkadaog kan Charlotte, naging magayon an ipinahiling na performance kan sentro kan koponan na si Moussa Diabate na nagpalaog nin limang field goals hali sa 11 shots na saiyang pinakawalan.
Nagtapos siya sa 10 points, 12 rebounds, asin duwang steal.
Ini na an ika-tulong pagkagana ngunyan na season kan Washington, kapot an tulo man na pagkadaog.
