LEGAZPI CITY- Inapod na pantasya kan sarong grupo nin mga obrero an pahayag kan Department of Economy, Planning, and Development (DEPDev) na kun an sarong persona an may ganansya na P96 kada aldaw an dae na madedeterminar na ‘food poor.’
Segun ki Bukluran ng Manggagawang Pilipino President Atty. Luke Espiritu sa intrevista kan Bombo Radyo Legazpi na dae ninda masabutan kun sain naghahali an kalkulasyon kan bako makatotohanan na cost of living kan mga namamanwaan.
Inihalimbawa pa kaini an kalkulasyon kan IBON foundation na nasa P1, 312 an komon na cost of living sa urualdaw.
Dagdag pa kan opisyal na an mga obrero ngunyan an dae na nagtatrabaho nin walong oras kundi komon na nago-overtime asin naghahanap pa nin ibang mapagkakakitaan ngani sana na mapunuan an saindang mga pangangaipo.
Ini an huli ta bako na bastante an minimum wage sa saindang pangenot na pangangaipo.
Sinabi ni Espiritu na dapat masupog an mga nasa gobierno kun nasa below poverty threshold an sweldo kan mga obrero sa nacion.
Pagtataong duon pa kaini, kun dae kayang bawasan an pagtios an dapat na bawasan an gastos sa mga babarakalon o an pagpapababa kan presyo.
