LEGAZPI CITY-Ipighayag kan sarong Labor group na bako na bago an paglangkaw kan unemployemnt rate sa Pilipinas.
Segun kay Partido Manggagawa Spokesperson Wilson Fortaleza, sa intrevista kan Bombo Radyo Legazpi bako na bago an paglangkaw kan unemployemnt rate sa nakalihis na dekada maliban kan panahon kan pandemic.
Ini makalihis an padagos na paglangkaw kan numero kan mga unemployed na Pilipino na katumbas nin 4.8%.
Dagdag pa kaini na dai na makakahale pa an nacion sa pig-aapod niyang “teritory” na unemployment na ini.
Taon-taon kaya igwang 2.3 milyon na unemployed na Pilipino asin dai nareresolbaran sa paghaloy kan panahon.
Sinabi ni Fortaleza, na pinapatunayan sana kaini na warang trabaho sa Pilipinas, an negosyo asin industriya an bako bastante sa pag-absorb o pagdagdag kan kadakol na mga obrero.
Mas problema pa suboot an pagdakol kan mga obrero kumparar sa trabaho sa nacion.
Nagkapira kaya digdi, igwang mga trabaho alagad nawawaran kalaunan nin trabaho.
Kadaklan suboot digdi, hale sa agricultural sector kun sain dehado huli ta seasonal sana ini asin napi-pinsala enkaso igwang kalamidad.
Huli digdi, bako stable an kalagayan kan industriya asin warang masalo sa manufacturing sector kan mas kadakol na dekalidad na trabaho sa nacion.
