LEGAZPI CITY-Sinabi kan sarong Labor group na kadaklan sa mga Pilipino an nabubuhay na warang trabaho huli sa “extended family system” sa Pilipinas.
Huli ta igwang nabubuhay sinda, mas pigpipili nindang dai mag trabaho o kaya naman habu ninda sa trabaho.
Segun kay Partido Manggagawa Spokesperson Wilson Fortaleza, sa intrevista kan Bombo Radyo Legazpi ini an mga inactive member kan labor force asin dai nagtatrabaho huli ta bako sinda maogma digdi o dai ninda gustong magtrabaho.
Alagad tinawan doon man niya na bako opsyon an dai pagtatrabaho sa Pilipinas.
Dagdag pa niya na iba ini sa mga unemployed, kun sain sinda an mga tawong naghahanap nin trabaho alagad warang mahiling na trabaho.
Dugang pa niya na kun hababa an pasahod sa nacion, mas nagde-diskarte an ibang Pilipino, kun sain nagkakaigwa nin duwang trabaho, nagtatrabaho nin lagpas sa oras huli sa kulang na kulang an kita, alagad abuso naman sa lawas.
Ibig sabihon suboot kaini na dai makahale basta basta sa pagtios an nacion asin dai nag-uusbong an kalidad kan trabaho arog kan iba pang mga manufacturing sectors.
Mientras tanto, sinabi pa niya na an sinabi kan World Bank na nasa upper-middle-income economy na an nacion, saro suboot ining ilusyon
