Atab na nagduman an pirang pamilya sa Manila North Cemetery tangani maglinig asin magpakaray kan mga puntod kan saindang mga nagadan na mahal sa buhay pirang aldaw antes an Undas.
Sa ngonian, nagdadanay na marahay pa an dalagan kan trapiko sa palibot kan sementeryo antes pa man an piglalaoman na pagdakol kan mga bisita.
Segun sa manihamiento kan sementeryo, pwedesir umabot sa dos milyones an bilang kan mga bisita ngonian na Undas.
May mga pamilya na piniling magbisita nin amay tanganing malikayan an kadakoldakol na tawo na linalaoman sa aktuwal na mga aldaw nin paggirumdom.
Mientrastanto, nagtetenir sa regular na presyo an mga presyo kan mga kandila asin burak na ipinapabakal sa luwas kan kamposanto.
An mga kandila nagpopoon sa cinco pesos, mantang nasa P150 pataas an sarong tangkay nin burak.
Poon Oktubre 29 hasta Nobyembre 2, an sementeryo mabukas poon alas 5:00 nin aga hasta alas 8:00 nin banggi asin dai pigtotogotan an overnight sa laog kaini.
