LEGAZPI CITY-Nangapudan liwat an Malacañang kay Senator Ronald Bato dela Rosa na kusang sumuko asin dae na magin halimbawa sa ibang mga tawong igwang warrant of arrest na nagtatago sa mga otoridad.
Kasunod ini kan pagtagama kan Department of the Interior and Local Government (DILG) nin P50 milyong pabuya ngani madakop an senador.
Tinawan man siya kan Philippine National Police (PNP) nin sarong semanang palugit ngani magsuko, mantang pigkokonsidera na siyang armado asin peligroso ni Interior Secretary Jonvic Remulla.
Mas marhay suboot an boluntaryong pagsuko ngani dae na kaipuhang maghiro an mga pulis.
Pigsierto man kan Palasyo na padagos na hahanapon kan mga awtoridad si Dela Rosa kun dae ini magsunod sa pangapudan.
Tinawan doon man kaini na bilang senador asin dating hepe kan PNP, dapat siyang mangenot sa pagsunod sa ley.
Nahahampang si Dela Rosa sa warrant of arrest na iniluwas kan International Criminal Court (ICC) katakod kan kampanya kontra droga ni dating Presidente Rodrigo Duterte, na presenteng nakadetine sa The Hague, Netherlands, mantang pighahalat an paglilitis sa kasong crimes against humanity.
