LEGAZPI CITY-Tutugutan kan gobierno an 280,000 metric tons (MT) an importasyon kan Mais sa irarom nin mas hababang quota sa taripa ngonian na taon nganing mapagian an gastos sa pagkakan asin makatabang na mapakusog an presyo kan karne, sa pag-antisipar kan posibleng kakulangan sa suplay.
Sa irarom kan Executive Order No. 129 na pinirmahan ni President Bongbong Marcos Jr. kan Oktubre 26, an minimum access volume (MAV) para sa mga importasyon nin Mais, madudugangan gikan sa 220,000 pasiring sa 500,000 metric tons.
An gobierno, piglalaoman an kakulangan sa suplay nin Yellow Corn na nasa 1.422 milyon metric tons sagkod Disyembre 2026, na pig-atribwir kan gobierno sa mga limitasyon sa produksyon sa laog kan nacion, nagdadakol na gastos sa input sa agrikultura, asin potensyal na epekto kan Super El Niño.
An Yellow Corn, sarong mayor na sangkap sa kakanon kan mga ataman na hayop, arog kan manok.
An mahiwasang suplay posibleng magpalangkaw kan gastos sa produksyon para sa mga naga-ataman nin Urig asin Manok, na nagdadagdag nin pangigipit sa presyo kaini.
