LEGAZPI CITY-Piglalaomang mabuksan sa publiko an bagong gibo na Kilicao-Binitayan Bridge sa Daraga, Albay mantang haros 90% na an proyekto, susog kay Congressman Caloy Andes Loria.
Segun saiya, sa intrevista kan Bombo Radyo Legazi, pigsuhestyon niya sa Department of Public Works and Highways (DPWH) na mabuksan kuta ini na inisyal na buksan sa Oktubre 31 para sa nagdadangadang na Undas alagad isasarado pa suboot ini para sa padagos na inspeksyon asin implementasyon na gigibohon.
Hihilingon man suboot kun mabuksan ini pag-abot kan Nobyembre 11 o 12 asin kakaolayan niya pa si DPWH Secretary Vince Dizon mapadapit digdi.
Marurumduman 15-taon nang nakatengga an nabanggit na tulay asin padagos na pig-iinspeksyon ngani tuluyan nang mapakinabangan kan mga residente asin motorista.
Sinabi man kan opisyal na sa huring phase na an pigsasagibo, na igwang budget na P450 milyon asin sa ngonian gigibohong prayoridad sa huring kwarter kan taong 2028 ngani na maagihan na ini.
Makakatabang man ini sa congestion sa Barangay Binitayan para sa mga haleng Naga, Ligao, Camalig, asin Guinobatan, pasiring sa enot na distrito kan Albay.
Mahagad man suboot an opisyal nin request sa DPWH asin sa gobierno kan ciudad kan Legazpi ngani magsagibo nin clearing sa mga ‘fade’ na tinampo asin portion kaini na kadakol na mga basura.
Pinasalamatan man kan opisyal an presenteng administrasyon para sa padagos na suporta sa nasabing proyekto.
Magigirumdumang ngonian na aldaw nin Lunes Oktubre 26, liwat na binisita nina DPWH Secretary Dizon kaiba si Congressman Caloy Andes Loria asin Albay Governor Noel Rosal an nabanggit na tulay para sa sarong inspeksyon.
