Niraot kan Bureau of Customs (BOC) Manila International Container Port rinaot an limang lalagan nin smuggled na sigarilyo asin pinamarang dahon nin tabako, na nagkakantidad nin 179.03 milyones pesos, sa Porac, Pampanga.
Isinagibo an pagdestroso kan Setyembre 30 hasta Oktubre 2.
Kabale sa mga nadestroso iyo an apat na container nin sigarilyo asin sarong container nin marang tabako.
Nakumpiskar an mga produkto kasunod kan inspeksyon kan Oktubre 8 huli sa pagbalga kan Graphic Health Warnings Law, TRAIN Law, asin Customs Modernization and Tariff Act.
Sinabi ni Customs Commissioner Ariel Nepomuceno na importanteng marhay na maseguro na an mga kontrabando na ini dai na makalaog giraray sa merkado.
An inisyatiba na ini may katuyuhan na protehiran an salud kan publiko, ganansya kan gobyerno, asin mga negosyong nagsusunod sa ley.
Mientrastanto, tinawan nin duon ni Manila International Container Port District Collector Felipe Geoffrey De Vera IV an importansya kan pagsunod sa legal na prosedimiento sa pagdestroso kan mga nakumpiskar na paninda.
Mantenidong nakatutok an ahensya sa pagpugol sa paglaog asin pagpabakal kan mga produkto na nagbabalgar sa mga reglamentos nasyonal.
