Gadan an sarong Malaysian national na person with disability (PWD) makalihis gumuho an sarong siyam na palapag na under construction building sa Barangay Balibago sa Angeles City kan Dominggo, Mayo 24.
Kinumpirmar kan Bureau of Fire Protection an pagkagadan kan dayuhan mantang nagpapadagos an maselang search and rescue operations sa kahalabaan kan Teodoro Street.
Segun sa mga otoridad, mano-manong paghuhukay asin paghahanap an piggibo kan rescue teams huli sa delikadong kondisyon kan mga gumuhong debris asin posibilidad nin panibagong pag-collapse kan istruktura.
Sa ibong kaini, sinabi kan mga rescuer na nakapag-establish na sinda nin komunikasyon sa pirang indibidwal na pigtutubudang na-trap sa irarom kan edificio.
Basado sa Angeles City Disaster Risk Reduction and Management Office, nag-aabot na sa 24 katawo an nailigtas hanggang alas-2:30 nin hapon kan Mayo 24, mantang nagpapadagos an validation asin accounting sa gabos kan naapektaran kan insidente.
Padagos na pig-aaram kan mga awtoridad an rason kan pagbagsak kan edificio.
