LEGAZPI CITY-Nagpahayag nin mga matatalas na argumento an Embahada kan China sa Maynila kan aldaw nin Martes, sa tahaw kan liwat na pangapudan kan nagkapirang lehislador sa Pilipinas na ideklarang “persona non grata” si Chinese Ambassador Jing Quan.
Sa hiwalay pang pahayag, pig-direkta man ini sa isinangat na resolusyon ni Senator Risa Hontiveros, alagad sinabi kan Embahada na mantang dae sinda pig-welcome kan Senadora, dae man ninda ini pigwe-welcome ngani magin patas sana ini.
Nagsangat kaya si Hontiveros nin Senate Resolution No. 746, na obhetong patawan nin “expulsion” an nasambitang ambassador.
Pigtawan doon man ni Hontiveros an Vienna Convention on Diplomatic Relations, na nagsasabing an Pilipinas, igwang kapangyarihan na magdeklara nin persona non grata laban sa sarong foreign envoy nin warang anumang explanation kan desisyon, asin pigo-obliga an estado na i-terminate an trabaho kaini bilang diplomat.
Mientras tanto, sa saro pang pahayag, idinerekta naman sa mga House lawmakers na nagpahayag nin kritisimo sa mismong Embahada, mantang warang sinaysay kun ano an listahan na ini.
Kabale sa mga nasa listahan, sina Rep. Zia Alonto Adiong, Rep. Arlene “Kaka” Bag-ao, Rep. Percival “Perci” Cendaña, Rep. Leila de Lima, Rep. Chel Diokno, Rep. Dadah Kiram Ismula, Rep. Cielo Krisel Lagman, Rep. Karl Legazpi, asin Rep. Mark Anthony Santos.
An nabanggit na siyam na lehislador, an nangapudan pa sana ki President Ferdinand Marcos Jr. na ikonsidera an pag-expel kay Quan, asin pigladawan an mga pahayag kan Embahada bilang “undiplomatic language”.
Sa nakalihis na pahayag, kinondena man kan mga lehislador an pahayag ni Quan na mas igwang kakayahan China na maggamit nin pwersa laban sa Pilipinas.
Huli digdi, nangapudan an mga lehislador sa Presidente na manindugwan sa suboot naglalang “Chinese aggression” laban sa Pilipinas.
