Kumpirmado na nakaluwas na sa Pilipinas an gambling tycoon na si Charlie “Atong” Ang sa paagi kan “backdoor,” segun ki Department of the Interior and Local Government (DILG) Secretary Jonvic Remulla.
Nagsayuma man na magtao nin dugang na detalye sa Remulla dapit sa eksaktong petsa asin paagi kan pagtakas ni Ang.
Paliwanag kan opisyal na nagpapadagos pa ngunyan an pigigibong imbestigasyon kan mga otoridad.
Dae man ibinuyagyag kan opisyal an huring natukoy na lokasyon kan negosyante mantang ipinaghahanap pa ini.
Marurumduman na pigtutukdo si Ang na igwang koneksyon sa suboot pagdukot asin paggadan sa poco mas o menos 34 na sabungero na pigtataram na nagdayo sa mga sabong na nakakabit sa saiyang negosyo kan 2021 hanggang 2022.
