Lusot na sa Senate Committee on Finance an propuestong P785.204 milyong budget kan Office of the Vice President (OVP) para sa 2027.
An propuestong pondo an mas hibaba nin 11.7% kumparar sa P889.236 milyong budget kan ahensya ngunyan na 2026.
Obheto kan pighahagad na pondo na suportaran an padagos na paghahatod nin tabang asin serbisyo kan OVP sa mga benepisyaryo sa manlain lain na parte kan nacion.
Kaibanan sa propuestong budget an P220.232 milyon para sa Personnel Services, P561.651 milyon para sa Maintenance and Other Operating Expenses, asin P3.321 milyon para sa Capital Outlay.
Afuera digdi, igwa man na nakatagama na nakalaang P15.544 milyon para sa Retirement and Life Insurance Premium kan mga empleyado kan ahensya.
Mientras tanto, dae man nag-atendir si Vice President Sara Duterte sa pagdangog para sa proposed budget kan nasabing opisina.
Ipigrepresentar sana siya ni OVP chief of Staff Zuleika Lopez, asin ipinaliwanag kaining nag-atendir an bise presidente sa inurnment kan city planner kan Davao City bilang representante kan saiyang ama na si dating Presidente Rodrigo Duterte.
An pag-aprubar kan Senate finance panel an parte kan proseso kan pagsusuri sa propuestong pambansang budget para sa masunod na taon.
Maagi pa ini sa mga masunod nalakdang kan proseso nin pag-aprtubar sa pondo.
