Inapod ni Defense Secretary Gilberto “Gibo” Teodoro Jr. na huma an pahayag ni Chinese Ambassador to the Philippines Jing Quan na manggagana an China en kaso maggamit ini nin puwersa laban sa Pilipinas.
Segun ki Teodoro, presenteng pig-aadalan kan Department of National Defense ang pahayag kan diplomat, na dae sana suboot nadulas kundi may seryosong mensaheng ipinahihiwatig.
Sinabi kaini na mantang nagpahayag ang Chinese envoy nin kamawotang mamantinir an katoninongan, sinabi man kaining madadaog an Pilipinas kung gagamit nin pwersa an China.
Para ki Teodoro, malinaw na nakapaloob digdi an pananakot sa nacion. Siringman, pigdoon niyang dae dapat ipairal an takot sa paghampang sa siring na sitwasyon.
Posible man suboot may kinaaraman an mga pahayag sa mga lakdang kan mga otoridad kan Pilipinas laban sa mga ilegal na aktibidad na pigdadawit sa pirang Chinese national, kabale an operasyon kan Philippine offshore gaming operator, pekeng bakal, ilegal na pagmimina asin human trafficking.
Padagos na nagtitinir na mainit an relasyon kan Maynila asin Beijing huli sa agawan kan teritoryo sa West Philippine Sea. Sa ibong kan 2016 arbitral ruling na pumabor sa Pilipinas, dae pigbibisto kan China an desisyon asin padagos kaining pig-aangkin an dakulang parte kan pinag-aagawan kadagatan.
