Suportado ni Philippine Coast Guard spokesperson for the West Philippine Sea Rear Admiral Jay Tarriela si Department of National Defense (DND) Secretary Gilberto Teodoro Jr. sa pangapudan kaining magbutas sa pwesto an mga opisyal kan gobyerno na pumapanig sa China.
Sinabi ni Tarriela, na dae na kaipuhang pangaran an mga public offiicials na dae naninindugan para sa posisyon kan Pilipinas sa West Philippine Sea huli aram ninda kun sisay an mga ini.
Sa saiyang social media account an naglatag ini kan mga panuntunan kun pano maaaraman na an sarong opisyal kan gobyerno an pro-China.
Pagdoon kaini na maski dae na pangaranan an mga ini maaraman man kun sisay an dae naninindugan para sa Pilipinas sa kada igwang pang-aabuso o harassment na piggibo kan China sa mga parasisirang Pinoy.
Enot nang sinabi ni Defense Secretary Teodoro na ang posisyon an napapaloob sa Administrative Order 29 na nagdidiskotir sa Philippine maritime zones.
Dugang pa kan Kalihim na ang posisyon kan gobierno an dapat nakabase sa aksyon asin bako sana sa paniniwala kan sarong indibidwal.
