Hinali na sa pwesto kan National Police Commission (Napolcom) an pulis na tagsadiri kan government-issued firearm na ginamit sa pambabadil sa San Jose National High School, Tacloban City kan Hunyo 22 na ikinagadan nin tulong estudyante.
Ipigsugo kan ahensya an paghali sa pwesto ki Police Staff Sergeant Arla Ray Paciencia kan Regional Finance Service Unit kan Eastern Visayas Police huli sa grave misconduct asin conduct unbecoming of a police officer.
Marurumduman na iwinalat ni Paciencia na nakalaag an saiyang service-issue 9mm pistol sa sarong plastic gun box sa laog nin plastic cabinet kan saindang harong, imbes na ilaag sa sarong safety vault — bagay na taliwas sa firearm safekeeping rules kan Philippine National Police.
Segun sa komisyon na an kapabayaan ni Paciencia an nag-udyok nin kadahasan asin pambabadil kan 14-anyos niyang pamangkin makalihis magkaigwa nin access sa badil.
Binawi man kan Napolcom an benepisyong kalakip kan saiyang pwesto.
Hinatulan man si Paciencia nin pang-habambuhay na diskwalipikasyon sa pagkapot sa anumang pampublikong posisyon.
