Hinapot ni Senator-Judge Raffy Tulfo si forensic analyst Atty. Alex Cabrera kun nasuri an accounts payable asin accounts receivable kan Cale88, siring man an mga dokumentong magpapatunay sa aktuwal na pag-export nin mga produkto ninda sa mga nacion sa nabanggit sa impeachment.
Ipinaliwanag ni Cabrera na dakol an bako pangkaraniwang detalye sa financial statements kan kumpanya, kaibanan an kawaran nin nakatala na payable, receivable, asin inventory kan raw materials o work in process, sa ibong kan pagiging manufacturer asin exporter kaini nin mga produkto.
Tinawan duon an kakulangan sa financial records kan Cale88.
Segun ki Cabrera na maski gurano kadakula an naglaog asin nagluwas na kwarta, nagtetenir ining lugi.
Dugang pa kan testigo na ikinumparar ninda an financial statements kan Cale88 sa lima hasta anom na kumpanyang igwang kaparehong negosyo asin nasa P200 milyon an taunang revenue.
Segun saiya na mas dakula an property, plant and equipment, inventory, receivables, asin payables kan mga kumpanyang ginamit kumparar sa Cale88.
Mientras tanto, kan haputon ni Tulfo kun napatunayan sa Bureau of Customs an aktwal na pag-export nin mga produkto kan kumpanya, nilinaw ni Cabrera na dae niya personal na nasuri an nasabing mga records.
Inako man kan testigo na dae ninda nakuwa an datos na magpapatunay kun nagtutugma an kadaklan asin kantidad kan mga produktong ipigluluwas kan kumpanya sa kwartang naglalaog digdi.
