LEGAZPI CITY—Naghahanda na ngunyan an National Food Authority Bicol katakod kan posibleng magin epekto kan “super” El Niño sa rehiyon.
Segun ki National Food Authority Bicol Assistant Regional Manager Julie Llenaresas, sa intrevista kan Bombo Radyo Legazpi, saro sa saindang pighahahadaan an makapag-procure nin kadakol na paroy nganing magamit para sa bufferstock.
Katakod kaini, nag-lease pa sinda nin kadakol na bodega nganing makaamodar nin kadakol na ani; siring man na nilangkawan na suboot kan central office an buying price kan paroy
Sa provincia nin Albay, Camarines Norte asin Camarines Sur nasa P28 kada kilo an buying price kaini, mantang P27 kilo sa Catanduanes, Sorsogon, asin Masbate.
Pagdoon pa niya na posible pang malangkawan an buying price depende sa market situation.
Dugang kan opisyal na sa presente, igwa pa sindang stock nin paroy na magigin bufferstock asin pwedesir na mai-release sa sunod na taon.
Mientrastanto, inasigurar man kaini na man-made man o natural calamity an yaon an saindang opisina na magin source nin bagas kan gobierno.
