LEGAZPI CITY-Sinuspendir kan Estados Unidos an mga consular service sa Brazil, mantang an Australia nagsara kan saindang embahada sa lugar, duwang aldaw antes an presidential election huli sa mga kahaditan sa seguridad.
Susog sa federal police kan Brazil, nagsagibo sinda nin mga preventive search asin seizure warrants bilang simbag sa sarong huma laban sa mga pasilidad diplomatiko kan Estados Unidos, alagad wara sindang nakuang ebidensya o mga suspetsado na nagpapatunay kaini.
An mga pagsara nangyari mantang an incumbent President na si Luiz Inacio Lula da Silva asin si Senator Flavio Bolsonaro—an aki kan dating Presidente na si Jair Bolsonaro, na presenteng nakakulong huli sa sarong pagprobar na kudeta—an nag-aatubang sa nasabing eleksyon.
Ilinadawan kan mga kaalyado ni Lula an biglang pagsarado kan mga pasilidad bilang sarong klase nin pakikiaram kan mga dayuhan kan Estados Unidos sa opinyon kan publiko kan Brazil asin sa eleksyon.
Mientras tanto, si U.S. President Donald Trump, hayagang na pig-omaw an saiyang haraning kaalyado na si Flavio Bolsonaro asin nagsabi na siya mahigot na nagbabantay sa eleksyon.
