LEGAZPI CITY- Bukas an Schools Division Office Albay sa propuesto na adjustment sa klase ngani na maibitaran an malalang epekto sa mga estudyante kan super El Niño.
Marurumduman na ipigsuhestyon kan nagkapira na gibuhon na alas-6 nin aga an klase ngani na maibitaran an matinding init sa mga classrooms.
Segun ki Albay SDO spokesperson Froilan Tena sa intrevista kan Bombo Radyo Legazpi na magayon man an nasabing lakdang alagad dakol na factors an kinakaipuhan na ikonsiderar.
Kaibanan digdi an nagkapirang mga eskwelahan na dati nang nagkakaigwa nin shifting sa schedule kan klase huli sa kakulangan nin mga classrooms.
Sa presente, pag-aadalan muna suboot kun ano an mga eskwelahan na pwedeng makapag-adaptar sa nasabing set up.
Marurumduman kaya na pinaghahandaan na ngunyan kan manlain lain na ahensya an pigkakahaditan na epekto kan super El Niño sa nacion.
Mientras tanto, sinabi ni Tena na kun magbababa nin bagong kasuguan sa nasabing adjustment, dapat na magkaigwa nin implementing rules and regulations ngani na makapag implementar man nin matanos an mga eskwelahan sa lokalidad.
