LEGAZPI CITY-Padagos an operasyon kan Task force kaayusan at kalinisan sa ciudad kan Legazpi kontra illegal parking asin street vending, na nagkakawsa nin magabat na trapiko, orog na tuyong rush hour.
Segun ki Task force kalinisan at kaayusan Head Andy Marbella, sa intrevista kan Bombo Radyo Legazpi, na pigsasagibo ninda ini ngani magin maayos an kapalibutan.
Dakulang problema kaya suboot an pagsikip kan kakalsadahan huli sa mga nakakaulang na sasakyan sa mga illegal parking.
Magpapadagos an saindang operasyon sa mga ciudad kaiba an barangay asin iba pang ahensya de gobierno sa pagpapaotob kan nasabing mandato.
Nagpatanid man sinda sa saindang tawohan na ibitaran an magbalad sa initan orog na ngonian na maeeksperyensyahan an epekto kan Super El Niño.
Nagpagirumdom man an opisyal sa mga namamanwaan na magparada sa tamang lugar ngani mabitaran an magabat na trapiko sa ciudad.
