LEGAZPI CITY-Ipinahayag kan sarong Grupo nin mga parasisira an saindang kamunduan sa liwat na presensya kan mga Chinese militia asin navy sa Scarborough Shoal o mas bisto bilang Bajo de Masinloc sa West Philippine Sea (WPS).
Segun ki Pambansang Lakas ng Kilusang Mamamalakaya ng Pilipinas (PAMALAKAYA) National Chairperson Fernando “Ka Pando” Hicap, sa intrevista kan Bombo Radyo Legazpi na ikinamundo ninda ini mantang sampulong taon na an nakalihis kan ipaotob an ruling digdi.
Bako na suboot ini bago poon pa kan taong 2012, kun saen yaon na an presensya kan China sa Bajo de Masinloc asin dai na nakakabalik pa an mga Pilipinong parasisira.
Sinabi ni Hicap na susog sa mga parasisira, nasa 20 nautical miles pa sana sinda, aatubangun na asin itataboy na kan mga Chinese vessels.
Huli sa orog pang presensya kan China sa Bajo de Masinloc, mas makaherak asin nagigin biktima nin panghaharass an mga Pilipinong parasisira.
Pangapudan kan grupo i-demilitarized na an West Philippine Sea (WPS) huli ta hasta igwa sindang presensya digdi, dai mawawara an kariribukan.
Kaipuhan man suboot na bistuhon an communal fishing ground kan nacion, asin dapat makabalik na sa dati an pagsisira sa West Philippine Sea.
