LEGAZPI CITY- Nangapudan an an transport group na Manibela Albay sa mga kapwa kaini drivers na suportaran an saindang mga ipinaglalaban.
Ini an kasunod kan pagbiyahe kan ibang mga jeepney drivers sa ibong kan ikinasa na duwang aldaw na tigil-pasada kan nagkapirang grupo nin transportasyon na nagpuon ngunyan na Setyembre 29 asin madurar sa Setyembre 30.
Segun ki Manibela Albay Vice President Rocky Lopos sa intrevista kan Bombo Radyo Legazpi na bako sana para sa sainda an ipinaglalaban kundi para sa gabos na mga nasa sektor kan transportasyon.
Obheto kaya kan nasabing tigil-pasada na ipangapudan sa gobierno an dagos na pagbasura sa oil deregulation law huli ta ini suboot an nagpapadifisil sa mga drivers.
Punto kan opisyal na warang pangil an gobierno ngani na diktahan an mga negosyante na nagpapalangkaw kan saindang presyuhan kan produktong petrolyo.
Dagdag pa ni Lopos na dapat na ibasura na man an value added tax asin excise tax sa langis.
