Nagtapos sa ika-anom na pwesto an Philippine women’s artistic gymnastics team sa team final kan 2026 Asian Games sa Nagoya General Gymnasium sa Japan.
Nakapagrehistro an koponan kan Pilipinas nin kabilugan na 147.763 points sa kompetisyon na pinartisiparan kan walong nacion.
Pinangenotan ninda Haylee Garcia, Lauren Suppnet, Kylee Ann Kvamme, Chiara Dawn Andrew, asin Levi Ruivivar an kampanya kan Pilipinas, kun sain ipinahiling an pusog na performance sa apat na apparatus.
Pinakahalangkaw na puntos kan Filipina squad an nakuwa sa vault na may 38.900 mantang nagrehistro man nin 37.499 sa balance beam, 36.132 sa floor exercise, asin 35.232 sa uneven bars.
Mientras tanto, nasungkit kan China an gold medal makalihis magrehistro nin halangkaw na kabilugan na 166.462.
Nakuwa man kan host nation na Japan an silver medal makalihis magrehistro nin 165.362 points, mantang Democratric People’s Republic Korea an nag-uli kan bronze medal sa iskor na 158.329.
