Nagtapos sa ika-anom na pwesto an Philippine gymnastics team sa men’s team finals kan 2026 Asian Games sa Japan, sa pangengenot ni two-time Olympic gold medalist Carlos Yulo.
Nagiskor an Pilipinas nin 227.359 points para sa ikaanom na pwesto hale sa walong team na naglaban sa finals.
Dakula an ambag ni Yulo, partikular sa floor exercise asin vault.
Pinakahalangkaw niyang score ang 14.266 sa floor exercise, mantang nagrehistro man siya nin 14.56 sa vault.
Nasungkit kan defending champion na China ang gold makalihis magrehistro nin 255.095 points, mantang silver an host Japan asin bronze ang Chinese Taipei.
Mantang dae nakakua nin medalya sa team finals, liwat na makikipagkumpitensya si Yulo sa individual finals kan floor exercise asin vault, duwang event kun sain siya nagkampeon sa 2024 Paris Olympics.
Malaban man ssi Yulo sa parallel bars finals, mantang masabak si Eldrew Yulo sa floor asin horizontal bar, asin si Migs Besana naman sa vault finals.
