Tinawan duon kan defense counsel na si Atty. Justin Nicol Gular sa impeachment trial an mga exemption sa irarom kan Section 42 kan Revised Corporation Code katakod kan dae pagdeklara nin dividends kan sarong korporasyon.
Sa cross-examination ki Securities and Exchange Commission witness Gerardo Del Rosario, hinapot kan defense counsel kun ipinagbabawal sa ley an dae pagdeklarar nin dividends.
Kinumpirma ni Del Rosario na dae mismo ipinagbabawal, alagad igwang probisyon kontra sa pagmamantenir kan surplus profits na lampas sa 100% kan paid-in capital, na subject sa nagkapirang exemption.
Kaibanan sa mga exemption an definite expansion projects o programs na inaprubaran kan board of directors, loan restrictions na nagbabawal sa dividend declaration na warang pagtugot kan creditors, asin special circumstances kun sain kinakaipuhan an retention kan ganansya, siring kan pagtatagama nin special reserve para sa mga posibleng contingency.
Kinumpirmarm an kan witness na kaibanan sa posibleng ikonsiderar na special circumstance an pagkakaigwa nin litigation kan sarong korporasyon.
Segun pa ki Del Rosario, dapat i-report sa audited financial statements an paggamit kan nasabing exemption.
