LEGAZPI CITY- Magkakaigwa nin mga paghiro an nagkapirang mga grupo sa Lunes, Setyembre 21, 2026 kasabay kan ika-54 taon na anibersaryo kan deklarasyon nin Martial Law.
Segun ki August Twenty-One Movement President Volt Bohol sa intrevista kan Bombo Radyo Legazpi na magkakaigwa man nin mga halipot na programa sa EDSA Shrine asin iba pang mga stop over siring kan Korte Suprema, Sandiganbayan, Kamara de Representante asin iba pa.
Saro suboot sa mga rason kaya magkakaigwa nin stop over sa Korte Suprema huli sa pagpapawarang sala ki dating First Lady Imelda Marcos.
Binalikan man kaini an nagkapira sa mga kaganapan durante kan nasabing panahon asin nilinaw na bako tunay na golden age an panahon kan Martial Law huli ta buminagsak an ekonomiya asin kantidad kan piso sa nasabing panahon.
Inihalimbawa man ni Bohol an mga nangyari kan nakalihis na panahon asin sa ngunyan na haros magkapareho suboot siring kan red tagging asin iba pa.
Tinawan duon man ni Bohol na ang mga namamanwaan an nagpagana sa laban kontra sa martial law asin nahiling an pagkakasararo.
