Sinabi kan sarong government witness sa Sandiganbayan na suboot nanghagad si Senator Rodante Marcoleta nin campaign funds hali sa negosyanteng si Aristotle Viray, saro sa mga co-accused niya sa plunder case.
Sa bail hearing, sinabi kan Office of the Ombudsman field investigation Bureau na si Viray mismo an nagbanggit sa saiyang counteraffidavit na si Marcoleta an naghagad kan pondo hali saiya.
Segun sa witness, kaibanan sa pigtataram na P75 milyon na dae idineklarar nin Marcoleta sa saiyang yaman kan 2025 an P20 million na suboot hali ki Viray.
Dae man nilinaw sa testimonya kun ini an kantidad na pigtataram na hinagad kan senador.
Dugang pa kan Ombudsman na an mga co-accused na sinda Viray, Joseph Espiritu asin dating congressman Mike Defensor an nagpasiring sa sarong notary public sa Pasig City ngani na ipa-notaryo an saindang deeds of donation kan Nobyembre 2025.
Segun sa witness na an imbestigasyon kan saindang team an nagrerekomendar kan pagsusunad nin plunder charges kontra ki Marcoleta, Mike defensor, Espiritu asin Viray.
Pignegaran man kan mga akusado an mga alegasyon kontra sainda.
