LEGAZPI CITY-Nagsangat an Office of the Ombudsman nagsangat nin duwang counts nin graft asin administrative complaints laban ki Sen. Mark Villar, Sen. Camille Villar, dating Senador Manny Villar, dating Senador Cynthia Villar, Paolo Villar, asin iba pang opisyales kan mga local water district huli sa suboot maluyang serbisyo sa tubig.
Kinumpirmar ni Assistant Ombudsman Mico Clavano na pigsasairarom ngonian sa preliminary investigation kan saiyang opisina an mga reklamo.
An lakdang na ini kasunod kan report na narecibe kan Ombudsman hale sa Office of the Government Corporate Counsel madapit sa mga kaduda-dudang kontrata sa probinsya asin ciudad.
Susog sa report kan ahensya, mga 75 local water district an naglaog sa sarong “grossly disadvantageous” na kasunduan sa joint venture sa Prime Water Infrastructure Corporation (PWIC) sa pag’ultanan kan 2015 asin 2022.
Piglalaoman na ipaapod kan Ombudsman an pamilya Villar asin an mga imbweltong opisyal nganing magsumiter kan saindang kanya-kanyang counter-affidavit madapit sa isyu.
