Nagsunad an Office of the Ombudsman nin malversation complaint laban kay dating Ako Bicol Party-list Rep. Zaldy Co asin pirang opisyal kan Department of Public Works and Highways (DPWH) katakod kan suboot ₱77-milyong ghost flood control project sa Bulacan.
Segun sa Ombudsman, idineklarang 100% completed kan Mayo 2, 2025 ang proyekto para sa riverbank protection structure sa Balagtas River sa Barangay San Juan, Balagtas, alagad kan inspeksyunon an nadiskubreng wara ining aktuwal na konstruksyon.
Kabale sa mga kinasuhan sinda Co asin pirang DPWH officials asin staff kaini. Mantang dae ibinale sa pagsunad nin kaso si Henry Alcantara makalihis siyang magsairarom sa witness protection program.
Segun sa Ombudsman, pauro-utro na inaprubaran an mga bayad sa contractor na SYMS Construction Trading maski may iregularidad sa mga dokumento. Inakusahan man si Alcantara na nangolekta suboot nin kickback asin iniabot ini ki Co nganing maisingit ang proyekto sa national budget.
Mientrastanto, ibinasura kan Ombudsman huli sa kawaran nin probable cause ang hiwalay na reklamo laban kina Co, Alcantara, asin pa sa paglabag sa Anti-Graft and Corrupt Practices Act.
