LEGAZPI CITY-Nanindugan an Bureau of Jail Management and Penology (BJMP) na warang mareresibe na anumang special treatment an presidential cousin na si Rep. Martin Romualdez.
Sinabi kan ahensya na an pag-trato na itinao ki Romualdez asin sa iba pang mga halangkaw na opisyal na presenteng nakakustodiya, kapareho kan itinao sa iba pang detenido.
Pigpaliwanag ni BJMP spokesperson Superintendent Jayrex Bustinera, na pantay-pantay an pagtrato kan jail management sa gabos na naglalaog sa pasilidad asin kun ano man an nareresibe kan ibang preso, an mareresibe man kan mga nakukulong na opisyal.
Kabali digdi an mga pribilehiyo sa pagbisita, kakanon, medical care, access sa mga hearing, asin iba pang mga pangangaipo.
An mga pagkakan na dara kan mga bisita para ki Romualdez maagi man sa security checks, arog kan pagkakan na dara para sa mga ordinaryong preso.
An solamenteng pagkakaiba, iyo an dagdag na detalye nin seguridad na nagbabantay sa mga selda kan dating House Speaker asin iba pang mga high-profile na preso.
Sigon ki Bustinera, dae ini pigkokonsiderar na special treatment, imbes sarong kasimbagan sa mga risk factors na factor na bumabalot sa mga high-profile inmate arong kan huma nin pagdulag o pagprobar na pag-rescue.
