LEGAZPI CITY-Nagsakat na sa 76 an bilang kan mga nagadan, na may 13 katawo na nawawara asin 43 na nakaligtas kasunod kan kasulo na sa pampasaherong sakayan na MV June Aster sa baybayon kan Coron, Palawan, kan Setyembre 9, 2026.
Susog sa opisyal na manifesto, igwa nin total na 134 katawo an nakalunad digdi—117 pasahero asin 17 tripulante.
An Philippine Coast Guard (PCG) naireport na an mga rescue team nakakua nin dugang na 41 na bangkay kan Sabadong banggi asin dinara sa Coron port.
An MV June Aster na pagsasadiri kan Atienza Interisland Shipping Lines, hale sa Baseco, Manila asin pasiring kuta na sa Coron kan mangyari an insidente.
Sa ngonian, nagpapadagos pa an search and rescue operations sa mga nawawarang mga indibidwal, mantang padagos man an pigkokondusir na imbestigasyon ngani na maaraman an kawsa kan kasulo asin iba pang detalye kan insidente.
