Gadan an lima katawo makalihis masulo an sarong pampasaherong barko na MV June Aster sa kadagatan na sakop kan Coron, Palawan.
Segun ki Philippine Coast Guard (PCG) spokesperson Commodore Noemi Cayabyab na igwang 42 katawo an naisalbar hali sa nasulong behikulong pandagat.
Basado sa inisyal na imbestigasyon na igwang lunad na 117 na pasahero asin 17 crew members an barko.
Hali sa pantalan kan Manila an barko asin pasiring kuta sa Coron, Palawan kan mangyari an insidente bandang alas-6:45 nin banggi kan Miyerkules, Setyembre 9.
Padagos an pigigibong imbestigasyon kan mga otoridad kun sain pig-aagap-an man kan PCG an posibilidad kan oil spill sa nasabing lugar.
