Nilinaw ni Senator Joseph Victor “JV” Ejercito na wara pang pormal na orolay an mga miyembro kan Senado mapadapit sa posibleng pagpapababa sa voting threshold na kaipuhan para sa conviction o acquittal ni Vice President Sara Duterte sa nagpapadagos kaining impeachment trial.
Nagluwas an pahayag ni Ejercito kan naenot na sinabi ni Senator Juan Miguel “Migz” Zubiri na may pirang senador ang nagpapahiwatig nin suporta na ibaba hale sa 16 na boto ang kinakaipuhang numero nganing mahatulan ang Bise Presidente.
Segun ki Ejercito, mantang dae pa ini natutukar kan kapulungan, dakula an posibilidad na maisunad asin matukar man an nasabing orolay sa plenaryo o sa mismong Senate Impeachment Court sa mga masunod na aldaw.
Pigtuga man kan lehislador na sa presente an dae pa nakakapagluwas kan saindang opisyal na stand an kadaklan sa mga senador, lalo’t nakasentro an pansin kan Mataas na Kapulungan sa pagsusuri asin pagdiskotir sa sa pambansang badyet para sa masunod na taon.
Paliwanag pa ni Ejercito, na pamayo man kan Senate Finance Committee, ang solamenteng nagbabago pa sana sa ngunyan an iskedyul kan mga impeachment lalo na paglaog kan bulan nin Oktubre kung saen nakatalaang mag-overtime ang saiyang komite para sa pambansang pondo.
Kan haputon man mapadapit sa legalidad kan isyu, inihayag ng senador na mas makakamaray an Korte Suprema ang magdesisyon mapadapit digdi huli sakop ini kan saindang expertise, alagad kun direktang dadarahon an orolay sa Impeachment Court an wara sindang opsyon bilang mga senator-judges kundi an pagdesisyunan asin botohan ini.
