LEGAZPI CITY—Nabisto na kan mga otoridad an indibidbwal na nasa likod kan pagpuputol nin payo sa imahen kan Our Lady of Lourdes asin Saint Bernadette sa San Lorenzo Ruiz Quasi-Parish sa Barangay Masarawag, Guinobatan, Albay.
Segun ki Kapitan Vicente Baliat, sa intrevista kan Bombo Radyo Legazpi, na may kondisyon suboot sa isip an suspek asin posibleng ‘inabot’ ini kan oras na inantugan kaini nin gapo an mga nasabing imahe.
Dinara an suspek sa sarong health professional, alagad ibinalik ini sa saindang barangay makalihis na maray man an simbag kaini sa psychiatrist.
Dugang kan kapitan na na-restore na an mga nasabing imahen sa presente.
Mientrastanto, ini man an primerong bes na nangyari an siring na insidente sa saindang barangay.
