LEGAZPI CITY-Pumalag an kampo ni Senador Jinggoy Estrada kontra sa mga kritiko na nagtutuyaw asin dae pigse-seryoso an presenteng kamugtakan kan salud kan senador.
Pinahimutikan ni Dr. Syquia, an attending physician kan senador, napag-araman na sa mahiwas nindang eksaminasyon na may knee joint injury o gisi sa saiyang walang-tuhod si Estrada mantang malala an saiyang osteoarthritis sa saiyang toong-tuhod.
Huli kaini, nagsairarom an senador nin sunod-sunod na eksaminasyon arog kan X-ray, MRI, injection, asin iba pang bulong sa tuhod sa saiyang pagbisita sa Cardinal Santos Medical Center kan Miyerkules, Agosto 26, 2026.
Sa ngonian, padagos an pagtutok kan mambabatas sa saiyang anti-inflammatory medication mantang pig-aabisuhan na magpahingalo, asin nakatalaan sanang magbalik sa ospital enkaso maglala pa an saiyang helang sa tuhod.
Pigduon kan kampo ni Estrada na tunay na medical condition an pig-aagihan kan senador asin dae dapat gibuhon na tema nin panunuya o pamumulitika kan saiyang mga kritiko.
