Bahagyang napilipit ang tuhod ni Senator Jinggoy Estrada kan ini an biglang nagtindog mantang nasa laog kan Quezon City Jail.
Ini an nagin inisyal na pagsusuri ni Dr. Jose Fernando Syquia, ang orthopedic doctor kan 63-anyos na Senador.
Dugang pa kan doktor na an nasabing kondisyon an kalimitang isasairarom sa operasyon.
Ipinapapaubaya na sana ini sa Senador kung kaipuhan niyang ma-confine asin kaya kaining tioson an helang.
Magigiromdomang dinara sa Cardinal Santos Medical Center sa ciudad kan San Juan si Senator Estrada makalihis na lumagutok suboot an tuhod kaini kan siya nagtindog.
Enot nang tinututan kan Sandiganbayan kan aldaw nin Lunes an kahagadan ni Estrada na kun pwedesir magsairarom sa X-ray ang saiyang tuhod huli sa pangungulog.
Alagad susog sa Bureau of Jail Management and Penology (BJMP) na mantang naghahanda an Senador pasiring sa ospital an bigla na sanang lumagutok an tuhod kaini kaya nadugangan an pangungulog kaini.
Nakakarsel si Estrada huli sa kasong plunder asin graft na may kinaaraman sa suboot pagkua niya nin kickback hale sa flood control projects.
