Kinuwestyon ni Senator-judge Raffy Tulfo kun nata dae hinapot ni ASec. Lemuel Ortonio an mga pangaran na nakalaag sa mga acknowledgement receipt kan Office of the Vice President.
Dae nagtutubod si Tulfo na dae narisa ni Ortonio an mga kakaiba asin bako komon na pangaran.
Paliwanag kaini na edukadong tawo si Ortonio na siertong aram niya na bako tama an mga pangaran na nakalaag sa mga resibo siring kan apelyidong Pusa, Pagong, Belat asin iba pa, na rason ngani na ulukan suboot kan publiko an nasabing isyu.
Pigduon pa ni Tulfo na garing ‘nagmamaang-maangan’ sana si Ortonio.
