LEGAZPI CITY-Magamit an Gilas Pilipinas nin all-Filipino line-up para sa paparaning duwang kawat sa FIBA Basketball World Cup Asian Qualifiers.
Sinabi ni Head Coach kan Gilas Pilipinas na si Tim Cone na wara sindang plano na panoon an naturalization spot para sa saindang mga laban kontra sa Jordan sa Biyernes, Agosto 28 asin sa Iran sa Agosto 30.
An bareta kasunod kan kawaran ni Justin Brownless huli sa saiyang mga injury.
Siring man an nagkapirang naturalized prospects na si Bennie Boatwrigth, huli ta kaipuhan pa niyang magkua nin Filipino passport.
Mantang si Ange Kouame, yaon sa France asin nasa irarom pa nin kontrata.
Sa ibong kaini pigkokonsiderar na all-Filipino team an Gilas Pilipinas, na bastante man giraray suboot ini para sa duwang importanteng World Cup qualifiers.
Target man ninda na mapakarhay an saindang standing na 2 wins and 4 losses record.
