Iprinisenta kan House prosecution panel si Office of the Vice President (OVP) Assistant Chief of Staff Lemuel Ortonio bilang panibagong testigo sa ika-18 aldaw kan impeachment trial kontra ki Vice President Sara Duterte.
Pinangenotan ni litigation lawyer na si Atty. Mae Divinagracia an paghahapot sa opisyal kan OVP.
Inaprubaran kan Senate Impeachment Court an kahagadan kan lado kan prosecution na opisyal na ideklara si Ortonio bilang hostile witness.
Huli digdi, tinugutan kan hukuman an prosekusyon na gumamit nin leading questions sa saindang paghahapot.
Kaibanan mga inisyal na nagin focus kan paghahapot ni Atty. Divinagracia an mismong papel asin otoridad ni Ortonio sa pag-aprubar sa mga proyekto kan OVP.
Binusisi man kan prosekusyon an prosesong pinag-aagihan kan pondo asin an mismong pagluwas kaini para sa nasabing mga programa.
Sa tahaw kan pagdangog, ipigpresentar kan prosecution panel an nagkapirang tseke na suboot pinirmahan ni Ortonio na ginamit sa mga proyekto kan ahensya.
Kinumpirmar man mismo ni Ortonio na kaibanan siya sa nag-encash kan nasabing mga tseke maski siya man an nagpirma sa mga ini.
