LEGAZPI CITY-Pinagpaliban an nationwide simultaneous active shooter o active-threat drill na nakatalaan sa mga pampubliko asin pribadong eskwelahan sa bilog na nacioin saaga, Agosto 25, pig-oktaba na, segun sa kumpirmasyon hale sa opisina ni Department of Education (DepEd) Secretary Sonny Angara.
An departamento piglalaoman na magpaluwas nin pormal na pahayag asin bilog na detalye manungod sa rason kan pagkaatraso asin an masunod na iskedyul kan nasabing drill.
An nationwide simultaneous drill enot na pig-anunsyo kan DepEd durante kan sarong hearing sa Senado, kun sain ipinaliwanag ni DepEd Undersecretary Malcolm Garma na katuyuhan kaini na an preparasyon, evacuation, asin reunification process kan mga estudyante asin kan saindang mga magurang enkaso magkaigwa nin banta o kadahasan sa laog kan mga eskwelahan.
An mga safety protocols ginibo sa pakikipagtabangan kan Philippine National Police (PNP) asin kan Department of the Interior and Local Government (DILG) kasunod kan mga naireport na insidente nin pambabadil asin kadahasan sa mga campus, partikular na sa Tacloban City asin Zamboanga City.
