Sa irarom kan panibagong patakaran kan Land Transportation Office (LTO), pupuunan na sa Nobyembre 15 an pagbawi sa lisensya kan mga madadakop na driver na nasa irarom kan impluwensya o nakainom nin arak.
Ipinaotob an nasabing kasuguan kasunod kan pinaglalaoman na paggabat kan bulos kan trapiko para sa paparaning Kapaskuhan asin Bagong Taon.
Pigduon ni LTO chief Assistant Secretary Markus Lacanilao, magtetenir an pag-iral kan ley kontra sa drunk drivers susog sa Anti-Drunk and Drugged Driving Act of 2013.
Alagad dugang pa kan opisyal na pwedesir pang i-apela an nasabing pagbawi sa lisensya huli ta maagi pa sa proseso kan korte an mga pagbalgar sa nasabing polisiya kun sain kakaputan kan LTO Intelligence and Investigation Division an kaso asin magkaigwa nin mga pagdangog antes magpaluwas nin resolusyon.
Segun pa digdi na pwedesir man na maging permanente an pagbawi kan lisensya sa mga mas malubhang sitwasyon.
