Nangapudan si Bicol Saro Party-list Representative Terry Ridon na repasuhon an ley sa libel asin cyberlibel ngani na maprotehiran an reputasyon kan mga tawo asin kalayaan kan pamamahayag.
Segun ki Ridon, dae dapat na mahadit an mga mamamahayag na maghapot asin mag-report dapit sa mga isyu na importante para sa publiko.
Kasunod ini kan pag-arestar sa beteranong mamamahayag na si Philip Lustre Jr. kan nakalihis na Oktubre 24 sa Quezon City huli sa kasong cyberlibel na isinunad ni Atty. Manases “Mans” Carpio, esposo ni Vice President Sara Duterte.
Tinawan duon ni Ridon na bako obheto kan pagrepaso na tawan kalayaan an pagpapalakop nin salang impormasyon, kundi masierto na patas an ley asin dae magagamit ngani na pasilensyuhon an mga mamamahayag.
