LEGAZPI CITY-Pigtimbang pa kan House prosecution panel kun aapudon si Ramil Madriaga bilang testigo sa impeachment trial ni Bise Presidente Sara Duterte.
Segun sa House Prosecutor Terry Ridon, dae pa nin pinal na desisyon an panel madapit sa testimonya ni Madriaga na nagkapirang beses nang pigkwestyon kan depensa an kredibilidad kaini.
Magigirumduman na nagsangat nin ikaduwang perjury complaint an kampo kan bise presidente laban ki Madriaga kun sain pig-aakusaran ini nin mga salang pahayag sa saiyang supplemental affidavit.
Naglataw an isyu makalihis na iladawan ni Atty. Paolo Panelo an posibleng pag-atubang ni Madriaga sa paglilitis bilang sarong “funeral” suboot para sa prosekusyon, asin sinabi na hahalunon siya kan depensa sa cross-examination.
Alagad, pigkwestyon ni Ridon an mga komento ni Panelo madapit sa witness strategy kan piskalya, maski bako suboot siya miembro kan depensa.
Idinagdag pa kan House prosecutor na si Madriaga pigkokonsiderar na sarong common witness, kaya dae man suboot nin deduction para sa ibong na lado.
