LEGAZPI CITY-Nagluya an kantidad kan Piso kan Pilipinas nagluya sa ikaapat na sunod-sunod na aldaw nin pagnegosyo kan Huwebes, na nag-abot sa bagong record low sa ika-26 na pagkakataon ngonian na taon, mantang an mga namumuhunan ipinahiling na an gross international reserves (GIR) kan nacion, buminagsak sa laog nin tulong taon.
An local currency nagsarado sa 15 sentimos ngani mag-abot sa P62.90 kontra sa sarong dolyar gikan sa pagtapos kan Miyerkules na nasa P62.75 an sarong dolyar, na nalagpasan an nakaaging pinakahababa na rekord na P62.86 kontra dolyar kan Setyembre 14, sa presenteng taon.
Segun ki Security Bank Corp. chief economist Angelo Taningco na huli ini sa pagbaba kan foreign reserves asin foreign outflows hale sa stocks asin bond markets na nakaapektar sa pagbaba kan stock prices, mantang igwang halangkaw na bond yields.
Ini nangyari mantang an GIR—nagbaba sa $99.996 bilyon kan Setyembre, an pinakahababa poon kan Setyembre 2023 na nasa $98.116 bilyon.
