LEGAZPI CITY-Nangapudan an National Commission of the Philippines na rumdumon an mga tanyag asin iba pang bayani sa nacion.
Segun kay Communication Officer Joseph Alec Geradilla, sa intrevista kan Bombo Radyo Legazpi na sa mga binigkas ni dating senador Ninoy Aquino Jr. huli sa mga sunod-sunod na nangyayari sa nacion, rebolusyon, himagsikas, asin eskandalo, kadakol na Pilipino an basta’t igwang paninindugan, handang maabot an saindang mga pangarap.
Nagin magayon man suboot an mensahe kan presenteng administrasyon sa pagselebrar kan “Ninoy Aquino Day” kun sain ibinalik an diwa kaini sa konsepto kan paninimbagan sa kada Pilipino sa kapwa mga Pilipino, mga naelihir na opisyal sa kapwa ninda opisyal, asin magin sa mga magurang sa kapwa ninda aki asin mga magurang.
Dapat suboot na pigruromdom ini asin pigbibisto huli ta ini an nagtao satuya nin kalayaan asin direchos na magkaigwa nin regular an pagpili nin opisyal o demokrasya, kun sain haros 40 taon nang igwang regular na eleksyon.
Pagirumdom kan opisyal na dapat bako sana tuyong kaaldawan o sa tunay na trayumpo i-komemorar an satuyang mga bayani, kundi an tunay na pagselebarar, iyo an pagkakaigwa nin adal sa kasaysayan.
